Georgia & World

არნო ხიდირბეგიშვილი: პატრიარქის მზიანი ღამე და მამარდაშვილის კოდი,

 

ანუ რამდენიმე  სიტყვა ქართულ ბუშმაიმუნებზე, ბნელიტაზე, ავაგარდზე

 

და ქალაქელებზე...

 

http://geworld.net/pictures/3aaar.jpg

 

30. 10. 2009      

       “ცხადია, შეიძლება მოვისმინოთ, ერთი ქართველი რომ ეუბნება მეორეს: რაღაც ძალიან კარგად იცი რუსული! თუმცა ეს არ ვრცელდება ქართველებში, რადგან, თუ საქართველო დაკარგავს იმ ადამიანებს, ვინც ასე არ ფიქრობს, ის საერთოდაც ყველაფერს დაკარგავს... რადგან სწორედ ისინი, ყველასა და ყველაფრის მიუხედავად, ნებისმიერ გარემოებაში, აგრძელებდნენ ცხოვრებას და რაღაცას ქმნიდნენ: მღეროდნენ, მეგობრობდნენ, თხზავდნენ, ანუ ქმნიდნენ! და ინარჩუნებდნენ უმთავრეს ქართულ ღირებულებას – სიმსუბუქეს, ტრაგიკულ სიმსუბუქეს. მასში კი ერთი კოდირებული ელემენტია - მას მხიარულ ტრაგიზმს ვუწოდებდი
მერაბ მამარდაშვილი

ეპიგრაფში მე-20 საუკუნის გენიალური ფილოსოფოსის ერთ-ერთი ბოლო ინტერვიუს ფრაგმენტი გულგრილს ვერ დაგტოვებს: ორი ურთიერთსაწინააღმდეგო გრძნობა დაგეუფლება - დიდი მამულიშვილის თანამემამულეობით გამოწვეული სიამაყე და წუხილი დღევანდელი საქართველოს გამო... მერაბ კონსტანტინეს ძე (იქნებ, მისთვის საბედნიეროდ!) ვერ მოესწრო იმ დღეს, როცა მისი ყველაზე ცუდი ვარაუდი გამართლდა: ქართველების მთავარმა ღირებულებამ - მსუბუქმა ტრაგიზმმა - ქართველებს შავი დღე დააყენა: სიმღერების თხზვასა და ცეკვაში გართულებმა ვერც კი შევამჩნიეთ, როგორ ნელ-ნელა დავკარგეთ ყველაფერი ქართული - ტრადიციები, ტოლერანტობა, სიკეთე, ისტორია, მეგობრები... ვერ შევამჩნიეთ რუსების წასვლა საქართველოდან, ვერ შევამჩნიეთ, როგორ დავივიწყეთ რუსული ენა, ვერ შევამჩნიეთ, ჯერ როგორ გვაიძულეს რუსების დავიწყება, დღეს კი გვაძალებენ მათ შეძულებას... ვერ შევამჩნიეთ, როგორ შევწყვიტეთ ქართველობა!
დაგვრჩა მხოლოდ ჩვენი მაცხოვრის, უფალი იესო ქრისტეს მართლმადიდებლური ჯვარი - მტკიცე საყრდენი, რომელიც ჯერ კიდევ ბურჯად უდგას საქართველოსა და ერთმორწმუნე რუსეთს შორის გადებულ ხიდსიმ ერთმორწმუნე რუსეთისა, მილიონნახევარი ქართველისთვის სამშობლოდ რომ იქცა! ჯვარმა გაუძლო მაშინაც კი, როცა 2008 წლის აგვისტოში მასზე ტანკებმა გადაიარეს, თუმცა საქართველოს განმანათლებლის, მოციქულთასწორი წმიდა ნინოს ჯვრის ვაზის დარად, მძიმე ტვირთის ქვეშ გაიღუნა...

მაგრამ მამარდაშვილის მიერ აღმოჩენილი ქართველი ერის კოდი - მხიარული ტრაგიზმი, რომელიც ჩემი ღრმა რწმენით, ტოლფასია სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის მეტაფორისა - მზიანი ღამე, უძლური აღმოჩნდა გლობალიზმის პანდემიისა და ბუშის ბაქტერიების წინაშე, განზრახ რომ შემოიტანეს ივერიის მადლიერი მიწის (ზეციური დედოფლის, წმიდათაწმიდა ქალწულის, მარიამ ღვთისმშობლის წილხვედრის) სამხედრო ბაზად და ექსპერიმენტულ ლაბორატორიად, ხოლო ქართველებისა და აქ უძველესი ხანიდან მცხოვრები სხვადასხვა ერის წარმომადგენელთა საცდელ კურდღლებად გადასაქცევად! პროექტ “GEORGIA”- საავტორო კოლექტივმა (რაისი, ჩეინი, მაკეინი, ფრიდი, ბრაიზა) და მათმა აღზრდილებმა (ბოკერია, კიწმარიშვილი, ლომაია, დარჩიაშვილი, გაბაშვილი, რამიშვილი, თუთბერიძე, შაშკინი) ეს თითქმის მოახერხეს, მაგრამ... ისე მოხდა, რომ პროექტის ხელმძღვანელი - მისტერი ბუშმისტერი - დიდი ხნის დამსახურებულ პენსიაზე გაუშვეს, ხოლო აშშ-ის ახალმა პრეზიდენტმა პროექტის მიმართ, მისი არარენტაბელობისა და კონტრპროდუქტიულობის გამო, ინტერესი არ გამოიჩინა.
რაღა რჩებათ ზემოჩამოთვლილ ბუშმაიმუნებს, რომ პროექტი დახურვისგან, ხოლო საკუთარი თავი მართლმსაჯულებისგან ეხსნათ? მორიგ ჯერზე და უკანასკნელად უმოკლეს ვადაში დასახული მიზნისათვის მიღწევა (ამჯერად წინასწარი გასამრჯელოს გარეშე, “პოსლეზე”), რათა გაამართლონ მათ დივერსიულ სპეცმომზადებაზე გახარჯული თანხები (სხვათაშორის, ამერიკელ გადასახადის გადამხდელთა ხარჯზე)!
ამიტომ, როგორც ვვარაუდობდი, პუბლიკაციაში “ნატოწაღებულნი...” (ყოველკვირეული გაზეთი “საქართველო და მსოფლიო”, 2009 წლის 14 ოქტომბერი გეწორლდ.ნეტ) საერთაშორისო რესპუბლიკურმა ინსტიტუტმა (IRI) გაააქტიურა თავისი საქმიანობა საქართველოში და წინა კვირას (2009 წლის 23 ოქტომბერს) მის მიერ ჩატარებული სოციოლოგიური გამოკითხვის შედეგები გამოაქვეყნა, რომელთა თანახმადაც საქართველოში ყველაზე სასურველ პოლიტიკოსად ქვეყნის პრეზიდენტი მიხეილ სააკაშვილი დასახელდა (რესპონდენტთა 70 %); ყველაზე პოპულარულ პარტიად კი - მმართველი “საქართველოს ერთიანი ნაციონალური მოძრაობა” (რომლის სასარგებლოდაც, ვადამდელი საპარლამენტო არჩევნების შემთხვევაში, ხმას მისცემდა ამომრჩეველთა 43 %); მეორე ადგილზეა პროექტ “GEORGIA”- ხელმძღვანელობის მიერ ავარიულ რეჟიმში შექმნილი “საბრძოლო რეზერვი” - “ალიანსი საქართველოსთვის” (9 %) და მისი ლიდერი სააკაშვილის დუბლიორი ირაკლი ალასანია («Hollywood» არაფერს წააგებდა, ხოლო ქართველი გადასახადის გადამხდელები მხოლოდ მოგებულნი დარჩებოდნენ, ახალ კინოფილმში საქართველოს პრეზიდენტის როლზე, ენდი გარსიას ნაცვლად, ირაკლი ალასანია რომ მოეწვიათ! უფრო მეტიც - ეს იქნებოდა ერთადერთი ნამდვილად დამაჯერებელი ეპიზოდი ფილმში...).


image

http://geworld.net/pictures/2aaar.jpg

 

დავძენ, რომ (IRI)- დაადგინა ქართველი საზოგადოების ოპტიმიზმის ხარისხიც - გამოკითხვის შედეგების თანახმად, ოპტიმისტურადაა განწყობილი 76 % (ტრაგიკული სიმსუბუქე! – იხ. ზემოთ).
გარდა ამისა, სოციოლოგიურმა გამოკითხვამ დაადგინა, რომ საქართველოში გამოკითხულთა 93% ეკლესიას ენდობა, ამიტომაც ბუშმაიმუნებმა მათ გზაზე უკანასკნელ ციტადელზე - საქართველოს მართლმადიდებლურ სამოციქულო ავტოკეფალურ ეკლესიასა და სრულიად საქართველოს პატრიარქზე გადამწყვეტი იერიში დაიწყეს: “თავისუფლების ინსტიტუტის” ხელმძღვანელის მოადგილემ და არასამთავრობო ორგანიზაცია “სკოლების დირექტორთა ასოციაციის” აღმასრულებელმა დირექტორმა თეა თუთბერიძემ წინა კვირას ინტერნეტში (თავისი facebook-ის გვერდზე) განათავსა საზიზღარი პაროდიების შემცველი, წარმოუდგენლად უხამსი კლიპები პატრიარქზე, ხოლო თავის ინტერვიუებში მას “სიმსივნური წარმონაქმნი, რომელსაც ტკივილგამაყუჩებელი პრეპარატებით კი არ უნდა უმკურნალონ, არამედ უნდა ამოკვეთონ”, უწოდა. ასეთ პრეპარატებად მიაჩნია მას საქართველოს ხელისუფლების მიერ საქართველოს მართლმადიდებლური ეკლესიისთვის ნაჩუქარი 25 მლნ დოლარი, “ჯიპები” - “პიკაპები” და საქართველოს პრეზიდენტის ადმინისტრაციის ბოლო განცხადებაც კი, რომელიც თითქოსდა მოწოდებულია, პატრიარქი მისგან მიყენებული პირადი შეურაცხყოფისგან დაიცვას. “თავისი განცხადებებით პატრიარქმა მიაფურთხა მთელ ერსა და იმ ხალხს, რომლებიც 2008 წლის აგვისტოს ომამდე . . ერთმორწმუნე რუსებმა გაანადგურეს! ჩვენ ვაშენებთ სეკულატიურ სახელმწიფოს, ხოლო პატრიარქი თავს უფლებას აძლევს, ჩაერიოს და თავისი აზრი გამოთქვას! საპატრიარქო პოლკოვნიკებითა და რუსეთის ჯაშუშებით გაივსო! რუსებმა ვერ მოახერხეს ქართული ოპოზიციის გადაბირება და ამიტომ ახლა ყველაზე სენსიტიურ, მგრძნობიარე ადგილს - მართლმადიდებლობასა და ქართულ სარწმუნოებას იყენებენ - უაპელაციოდ დაასკვნა თეამ, რომელსაც ცე-რე- იყენებს, და საქართველოს პატრიარქი პრაქტიკულად რუსეთის მიერ დავერბოვკებულ აგენტად გამოაცხადა, რომელიც მის გარემოცვასთან ერთად დასაპატიმრებელია (საქართველოში ჟირინოვსკი ბევრს “კრემლის რუპორად” მიაჩნია: უნდა მივიჩნიოთ თუ არა ასეთ შემთხვევაში თუთბერიძე “სააკაშვილის რუპორად”, კაბაში გამოწყობილ ქართველ ჟირინოვსკიდ?! იქნებ, მისი ბოლო გამოხდომა საქართველოს პრეზიდენტის საიდუმლო თანხმობით განხორციელდა, რომლის დასტურის გარეშეც აქ არაფერი ხდება, იმ მიზნით, რომ განისაზღვროს ქართველი საზოგადოების მოთმინების ზღვარი?!)
არადა, ჯერ კიდევ 2009 წლის 24 იანვარს პუბლიკაციაში “საწყენი და სამარცხვინოა (გაზეთ «Свободная Грузия»-სა და რუსეთში ქართველთა კავშირის საიტზე georgians.ru) საზოგადოებას ვაფრთხილებდი: “დაიწყო პირდაპირი იერიში მართლმადიდებლობასა და საქართველოს პატრიარქზე იდეოლოგიური იარაღის გამოყენებით: “30 ვერცხლად” ნაყიდი ტელეჟურნალისტები, de facto სამთავრობო მედია და არასამთავრობო ორგანიზაციები თავს გვახვევენ რუსი და ქართველი ხალხებისთვის უმთავრეს ღირებულებათა გადაფასებას! ამ მიზმნით:
-
წმიდა სამების ეკლესიიდან სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის სააღდგომო ეპისტოლეს პირდაპირი ტრანსლაცია წყდება თოქ-შოუთი;
-
გვთავაზობენ პროექტს “დიდი ათეული”, სადაც ქართველი წმინდანები “კასტინგზე” გამოუყვანიათ და ტელემაყურებელმა უნდა გადაწყვიტოს - რომელი “უფრო წმინდაა” მათ შორის;
-
ყველანაირად ცდილობენ დაგეგმილი მისიის - სრულიად საქართველოს პატრიარქის მოსკოვში ვიზიტის მნიშვნელობის დაკნინებას მოსკოვისა და სრულიად რუსეთის უწმინდესი პატრიარქის ალექსი II-ის აღსასრულთან დაკავშირებით, რომელთანაც მას მრავალწლიანი მეგობრობა და ურთიერთგაგება აკავშირებდა და რომლის ხელმძღვანელობითაც უწმინდესმა სინოდმა, რუსეთის მიერ აფხაზეთისა და სამხრეთ ოსეთის აღიარების შემდეგაც, არ მიიღო აფხაზეთისა და სამხრეთ ოსეთის მართლმადიდებლური ეკლესიე­ბი რუსეთის მართლმადიდებლური ეკლესიის შემადგენლობაში, რითაც საქართველოს მართლმადიდებლური ეკლესიის ერთიანობა აღიარა;
-
რუსეთის პატრიარქის გარდაცვალებიდან 40 დღეც არ იყო გასული, როცა ტელეარხებმა სპეციალურად მომზადებული სიუჟეტებით ალექსი II და უწმინდესი სინოდის ბევრი წევრი კა-გე-ბეს აგენტებად, რუსეთის მართლმადიდებლური ეკლესია კი კრემლის ადმინისტრაციის განყოფილებად, აგრესორად და რუსული მილიტარისტული მანქანის იარაღად გამოაცხადეს;
-
მორიგი ასეთი სიუჟეტი ტელეეთერში . . 19 იანვარს გავიდა, როცა მართლმადიდებელი ქრისტიანები, როგორც ყოველთვის, ერთად დღესასწაულობდა წმიდა ნათლისღებას, თანაც სიუჟეტის ანონსი თბილისში, წმიდა ალექსანდრე ნეველის ტაძრის ფონზე იყო გადაღებული, რომლის მრევლიცა და ბერიც, როგორც ქართველები, ასევე რუსები არიან
2009
წლის 26 აგვისტოს კი პოლიტიკურ მეცნიერებათა დოქტორი, პროფესორი ალექსანდრე ჭაჭია პოპულარულ საინფორმაციო-ანალიტიკურ ინტერნეტგამოცემასთან «segodnia.ru» (Сегодня.Ру) ინტერვიუში - “საქართველო და რუსეთი ერთმანეთს დაუბრუნდებიან - გვაფრთხილებდა: “საქართველოს პატრიარქის ფიგურა ქართველ საზოგადოებაში პატივისცემით სარგებლობს იმის გამოც, რომ ის ერთადერთია, ვინც ასახიერებს შემორჩენილ ტრადიციას - მართლმადიდებლობის, სულიერების, ეროვნული ტრადიციების დაცვის, წარსულთან უწყვეტი კავშირის იდეას. საზოგადოება ხედავს, რომ ხელისუფლება ამერიკელების მითითებებით წაახალისებს სექტების, ნიჰილიზმის, პორნოგრაფიისა და პროსტიტუციის, გარყვნილების გავრცელებას, მართლმადიდებლობაზე აშკარა თავდასხმას, ადამიანებში  მართლმადიდებლური ცნობიერების აღმოფხვრას! ამიტომ საქართველოში ეკლესიის გარშემო კონსოლიდაციის სურვილი ძლიერდება. შემთხვევით როდი გეგმავს საქართველოს ხელისუფლება ილია II-ის წასვლის შემდეგ საპატრიარქოს სათავეში ისეთი ადამიანის დაყენებას, ვინც მთლიანად ესადაგება ამერიკის ადმინისტრაციისა და საქართველოს ამჟამინდელი ელიტის მოთხოვნებს. ეს საქართველოსთვის ტერიტორიების დაკარგვაზე ნაკლები ტრაგედია როდი იქნება
მაგრამ “ამნეზიადამართულმა” ქართულმა ელიტა-ბნელიტამ
(რომელსაც “ერთ ცხვარსაც” ვერ ვანდობდი...) მაშინ ყურიც არ გაიბარტყუნა! დღეს კი ჩვენმა პირფერმა ინტელიგენციამ, თავს რომ ერის სინდისად აცხადებს და, უკვე მერამდენე წელია, მიჩვეულია ქართველი ხალხის სახელით ლაპარაკს, ისტერიკა მოაწყო: “ვინ გვიგდია ეს თეა თუთბერიძე?! მასზე ლაპარაკიც კი მეტისმეტად დიდი პატივია მისთვის!”  ალბათ, დაავიწყდათ, რომ სწორედ “კმარას” აქტივისტი თეა თუთბერიძე 6 წლის წინათ საღებავებით თხუპნიდა სამთავრობო დაწესებულებებს, აკრავდა პროკლამაციებს, კეტავდა გზებს და აწყობდა მიტინგებს, სანამ სააკაშვილსა და ტელეკომპანია “რუსთავი 2”-თან ერთად, 2003 წლის 23 ნოემბერს შევარდნაძის ხელისუფლება არ დაამხო! ასე რომ, ჩვენი ბნელიტა - მხატვრები, მუსიკოსები, რეჟისორები, მსახიობები და ათასი ჯურის სამეფო კარის ტაკიმასხარები - სახელმწიფო შეკვეთებითა და ინდაურებით მოსყიდულები, ჩვეულებრივი მოღალატენი არიან!
და განა მარტო ისინი, - ქართული ოპოზიციის ავადგარდს - გაჩეჩილაძეებს, ბურჯანაძეს, ზურაბაშვილს, ბესელიას, გამსახურდიას კომპანიას - რატომ არ დაუდგამს საკნები, არ ჩაუტარებია არც ერთი მიტინგი “თავისუფლების ინსტიტუტის”, სოროსის ფონდის, საერთაშორისო რესპუბლიკური ინსტიტუტის ოფისების წინ მაშინ, როცა პარლამენტთან, სახელმწიფო კანცელარიასთან, პრეზიდენტის სასახლესა და საზოგადოებრივ ტელევიზიასთან ისინი ათობით და ასობით დადგეს . . ზაფხულში საპროტესტო აქციების დროს?! რა არის ეს, თუ არა ორმაგი სტანდარტი?! (დღევანდელი გადასახედიდან, იმედია, გასაგებია, რით შეიძლებოდა დასრულებულიყო პატრიარქისთვის . . 27 მაისის აქცია, რომელიც, პრაქტიკულად, არსებული ხელისუფლების დამხობის მცდელობად შეფასდა! ხელისუფლებას ეს არ დავიწყებია და არც უპატიებია, ისევე, როგორც პატრიარქის მოწოდება ვადამდელი არჩევნების ჩატარების თაობაზე!)
მაშ, რატომაა, რომ ქართლი მიწის მადლცხებულად, ქართული ტრადიციების მცველებად თავშერაცხილმა და თავისი ტფილისური წარმოშობით  “მოკაჩავე” “ქალაქიელებმა” ამ წლების განმავლობაში არ შეუქმნეს მაქსიმალუ­რი დისკომფორტის რეჟიმი ზემოთ ნახსენებ “სოროსელ ვირთხებს”?! რატომაა, რომ ქართული მართლმადიდებლური ეკლესიის შეურაცხმყოფელი საფრთხობელა თუთბერიძე და მისნაირი უწმინდურები უშიშრად და არხეინად ცხოვრობენ ჩვენთან ერთად ქვეყანაში, სადაც 87% მართლმადიდებელია, სუნთქავენ იმავე ჰაერით, რომლითაც ჩვენ ვსუნთქავთ და მრავლისმნახველი ტფილისის ქუჩებში დაიარებიან?! განა ნათელი არაა, რომ სახელმწიფო ბრძანებულებით გასულ კვირას ლიკვიდირებული შრომის წიგნაკები ისევ თუთბერიძისა და მისი გუნდის ინტერესებს ემსახურება, რომლებმაც თავიანთი ძირგამომთხრელი სამუშაოს შესრულება (შესაბამისად, შრომის წიგნაკების გახსნა!) პარლამენტში, სახელმწიფო კანცელარიაში, სამინისტროებში, თავისუფლების ინსტიტუტებში, სოროსის, მაკარტუროვის ფონდებში, რესპუბლიკურ ინსტიტუტებში ან “ნაცმოძრაობაში” დაიწყეს?! რათა თეას არასდროს არავინ ჰკითხოს: “როგორ მოხდა, ძვირფასო, რომ მხოლოდ “ვარდების რევოლუციის” წყალობით, უმაღლესი განათლების სახელმწიფო უნივერსიტეტის დიპლომმიღებული, რაღაც ორიოდე წლის შემდეგ ამავე უნივერსიტეტის პროფესორი გახდი?!”
ხოლო, თუ ვიღაცის “გაფუჭება” გახდება საჭირო, მას შრომის წიგნაკსაც მოჰკითხავენ, კომუნისტურ წარსულსაც შეახსენებენ, თანამშრომლობა-დასმენასაც აიძულებენ და უმუშევარსაც დატოვებენ (ლუსტრაციის შესახებ კანონის საფუძველზე) და სატელეფონო მოსმენის ჩანაწერებსაც აუფრიალებენპატრიოტის აქტის” საფუძველზე)!
P.S. “
ჩვენ, ქართველები ვართ ჰაერი და არა - მიწა... გვეკრძალება, რომ საკუთარი ბედიღბლისა და უბედურების სიმძიმე სხვების მხრებს ვატვირთოთ. არ შეიძლება წუწუნი; უნდა ვიმღეროთ და ვიმხიარულოთ! უკანონო სიხარულის, ანუ სიცოცხლის ტალანტი კულტურის ერთ-ერთი ისტორიული ფასეულობაა. აქვთ ქართველებს სიხარულის ნიჭი და რა გაეწყობა! ნამდვილად უკანონო სიხარულისა, რადგან არაფერი გვაქვს იმისათვის, რომ ის იყოს, ანდა ყველაფერია იმისათვის, რომ არ იყოს...
ბოთლი ღვინო და პურის ნატეხი თუ გაქვს, სუფრასაც გაშლი. ლხინის ინსცენირება ხდება. არავის აქვს მიზეზი მოლხენისა, ჩვენ კი ვკითხულობთ: ნუთუ მოსალხენად მიზეზია საჭირო? ჩვენ ვართ და ჩვენ ვართ ყველაფრის მიუხედავად, გესმით?!”
-
ესეც მამარდაშვილის იმავე ინტერვიუს ამონარიდია. მაშ, დადგება თუ არა დრო, რომ ჩვენი სიხარული კანონიერი გახდეს, ანუ როცა სიხარულისთვის მყარი საფუძველი გვექნება და მზიან ღამეს ნანატრი მზიანი განთიადი შეცვლის?!
ვფიქრობ, რომ ჟამი, როცა ქართველი ხალხი საბოლოოდ გამოფხიზლდება და საკუთარი ისტორიის სუბიექტად იქცევა, კარს მოგვდგომია...

 

 

 

http://geworld.net/politics/454.html