Georgia & World 

 

არნო ხიდირბეგიშვილი: აქეთ მოიხედეთ, სულელებო!

 

20. 08. 2009  

 

ძვირფასო მკითხველებო! საიდუმლო არაა, რომ ტერმინ “დოტ”- დღეს ჩვენთვის ორი მნიშვნელობა აქვს:
პირველი - ხანგრძლივი საცეცხლე წერტილი (Долговременная Огневая Точка - ДОТ ) - აბრევიატურა, რომელიც კაპიტალურ რკინაბეტონის ნაგებობა-საფარს ნიშნავს (იხ. ფოტო N1);
მეორე - ამერიკელი პორნომასაჟისტი დოქტორი დოტი, რომელმაც პრეზიდენტ სააკაშვილს რელაქსაცია გაუკეთა (ლათ. relaxatio), ანუ ღრმა კუნთოვანი მოდუნება, რომელიც ფსიქიკურ დაძაბულობას ხსნის (იხ. ფოტო N2).
თავისთავად ცხადია, მეორე მნიშვნელობა გაცილებით სასიამოვნოა პირველზე, მაგრამ თუ სიკვდილ-სიცოცხლის საკითხი დადგება, რასაკვირველია, უპირატესობას პირველს მიანიჭებენ...
არადა, სააკაშვილის ხელისუფლებისა და მთელი ქართული პოლიტისტებლიშმენტის (ფსევდოოპოზიციის, პროქტოპოლიტოლოგებისა და “ჯიბის” ჟურნალისტების, რომლებიც სულიან-ხორციანად ვაშინგტონს მიეყიდნენ და დღემდე უსინდისოდ გვირევენ თავგზას!) წყალობით, სწორედ ასეთი დილემის წინაშე შეიძლება აღმოჩნდეს საქართველოს მთელი მოსახლეობა, როცა “ცხელსისხლიანი” ქართველი მამაკაცებისთვისაც კი კაპიტალური რკინაბეტონის აღჭურვილობა უფრო სასურველი და ჯანმრთელობისთვის სასარგებლო გახდება, ვიდრე სექსუალური დოქტორ დოტის მასაჟი!..
როგორ მოხდა ეს ყველაფერი? - მერე გაკვირვებით ვკითხავთ ერთმანეთს, მაგრამ გვიან იქნება:
ერაყსა და ავღანეთში აშშ-ის მოკავშირედ (შესაბამისად, მთელი ისლამისტური ფუნდამენტალიზმის მტრად!) ქცეული საქართველო განადგურებას დაქვემდებარებულ საბრძოლო მიზნადაც იქცა
-
რაკეტებით მოხდება ეს თუ ტერაქტებით - სუვერნიტეტ- და ტერიტორიებ დაკარგული პატარა ქვეყნისთვის, უმწეო ეკონომიკითა და ძალზე მცირერიცხოვანი მრავალეროვანი მოსახლეობით - დიდი მნიშვნელობა არ აქვს...

მოდი ყველაფერს წესისა და რიგისამებრ მივყვეთ. მაშ, ასე:
“
რისთვის სჭირდებათ საქართველო ამერიკელებს? სამი ინტერესია. პირველი - მილსადენის გაყვანა; მეორე - საქართველოს სამხედრო ინფრასტრუქტურის გამოყენება ირანთან ომის შემთხვევაში, რაც დღის წესრიგში დგას, რადგან ახლომახლო სხვა არავინ დაუთმობს ინფრასტრუქტურას; მესამე - რუსეთის სამხრეთით ნეგატიური პროცესების, ყველანაირი ექსცესის ინსპირირება... ამ როლის შესრულებას აიძულებდა საქართველოს შევარდნაძე და აიძულებს სააკაშვილი...
ფაქტობრივად, საქართველოში არ არსებობს პოლიტიკური ძალა, რომელიც პროამერიკული არ იქნებოდა.
ამერიკელების ნებართვით, შევარდნაძის დამხობისას სააკაშვილი აკრიტიკებდა მას ყველაფრის გამო, გარდა საგარეო პოლიტიკისა!
დღევანდელი ოპოზიციონერებიც გაჰყვირიან “ძირსმაგრამ არ ეხებიან საგარეო პოლიტიკურ კურსს!
ამერიკელები აკონტროლებენ საქართველოში მთელ პოლიტიკურ სპექტრს, საერთაშორისო ორგანიზაციების 90 % მათი ფულით ფუნქციონირებს”, - მერამდენედ აღნიშნა პოლიტიკურ მეცნიერებათა დოქტორმა, პროფესორმა ალექსანდრე ჭაჭიამ (თავის ონ­ლაინკონფერენციაზე «Аргументы и Факты» -ში 2009 წლის 7 აგვისტოს).
 
ხოლო მიმდინარე წლის ივნისში სტატიებში: “საქართველოს მოსახლეობას არ სურს ნატოში გაწევრება, მას რუსეთთან და რუსებთან მეგობრობა სურს!” “პოლიშინელის საიდუმლო, ანუ ჯორჯია - ტრანზიტით” დავსვი საკითხი: “ვარდების რევოლუციის” შემდეგ დღევანდელ რადიკალებს, ხოლო მაშინ - სახელმწიფოს უმაღლეს პირებს: პარლამენტის თავმჯდომარე ბურჯანაძეს, პრემიერ-მინისტრ ნოღაიდელს, თავდაცვის-შინაგან საქმეთა მინისტრ-გენერალურ პროკურორ ოქრუაშვილს ჩვენთვის, ჭეშმარიტი პატრიოტებისთვის, და არა ლენგლის ბიჭებისა და სამეფო კარის პროქტოპოლიტოლოგებისათვის, რომ მოესმინათ, განა საქართველო დაკარგავდა თავისი ტერიტორიის 20% და 175 ჯარისკაცს? და კიდევ რამდენი დაიღუპება იმ 500 მებრძოლიდან, ამ დღეებში საომრად რომ აგზავნიან ავღანეთში, ყველაზე სახიფათო რაიონებში?! საერთოდაც, რატომ ებრძვის ქართველი ავღანელს?!
საქართველოს პარლამენტში სანამ ხმას მისცემდა ამ დანაშაულებრივ გადაწყვეტილებას, ვინმე ერთხელ მაინც ესტუმრა პარლამენტის ბიბლიოთეკას და წაიკითხა, უძველესი დროიდან როგორი პატივისცემით ეპყრობოდნენ ავღანელი მმართველები და მეომრები მამაც გურჯებს?! საინტერესოა, რა რეაქცია ექნებათ ამაზე უსამა ბინ ლადენს, ალ-ქაიდას და თალიბანს
თუმცა ეს ყველაფერი დარჩა ხმად მღაღადებლისა უდაბნოსა შინა: 2009 წლის 6 აგვისტოს, აშშ-ის გადაწყვეტილების კვალად, ავღანეთში დამატებით 21 000 სამხედრო მოსამსახურის გაგზავნისა (იქ მყოფი 75 000 კაცის გარდა) და ჩრდილოატლანტიკური ალიანსის გენერალური მდივნის ანდერს ფოგ რასმუსენის განცხადების - “ავღანეთში წარმატებების მისაღწევად, ნატოს კონტინგენტის შემდგომი გაფართოების საჭიროების შესახებ” პასუხად, საქართველოს პარლამენტმა და­ამტკიცა ავღანეთში სამხედრო მოსამსახურეთა დამატებითი რიცხვის (თავდაპირველი სავარაუდო 500-ის ნაცვლად) გაგზავნის საკითხი! გასაგებიცაა, რატომ - ბოლო რამდენიმე კვირის მანძილზე კოალიციის ჯარებმა განსაკუთრებით ბევრი ჯარისკაცი დაკარგეს იმიტომ, რომ თალიბმა ბოევიკებმა ავღანელი ამომრჩევლების ზეგავლენის მიზნით საბრძოლო მოქმედებები გაააქტიურეს ხვალისთვის (2009 წლის 20 აგვისტოსთვის) დანიშნული საპრეზიდენტო და ადგილობრივი არჩევ­ნების წინ.
განა მართალი არ ვიყავი, როცა 2003 წელს “ვარდების რევოლუციის” შთაბეჭდილების ქვეშ მყოფმა განვაცხადე: “დედამიწაზე მხოლოდ ორი ერია - ჭკვიანებისა და სულელების?! რომელ ერს განეკუთვნებიან ისინი, ვინც მართლმადიდებელ საქართველოს მართლმადიდებელ რუსეთსა და მთელ მუსლიმანურ სამყაროს უპირისპირებს?! საქართველოს, სადაც დაახლოებით 50 მეჩეთი და 400 000 მუსლიმანია (აზერბაიჯანელები - განსაკუთრებით ქვემო ქართ­ლის რეგიონში, ქართველები - აჭარასა და კახეთში)?! საქართველოს, რომლის მეზობლადაც მუსლიმანური ქვეყნები მდებარეობს - მოძმე აზერბაიჯანი, საქართველოს გაზით რომ ამარაგებს, და თურქეთი, რომელთან საზღვარიც დღეს სიმბოლურია?!

შეიძლება შემედავონ: საქართველო ხომ ტერორიზმს ებრძვის ავღანეთში და ამაში აშშ-სა და ნატოს რუსეთიც ეხმარება!
ვუპასუხებ: არსებობს კი მკაფიო ზღვარი მეამბოხე-ტერორისტებსა და საკუთარი ქვეყნის დამოუკიდებლობისა და თავისუფლებისთვის მებრძოლ ხალხს შორის, რომელმაც, ქართული ოპოზიციისგან განსხვავებით, ბრძოლის არა­კონსტიტუციური მეთოდები აირჩია?! ფანატიკოს-ფუნდამენტალისტებსა და რევოლუციონერ-პატრიოტებს შორის, რომლებიც ქართველი “ვარდების რევოლუციონერებისგან” განსხვავებით, ეროვნული და არა ამერიკული ინტერე­სებით ხელმძღვანელობენ?! როგორ უნდა გაივლოს აქ მკაფიო გამყოფი ხაზი და რა ნიშნებით უნდა განასხვავონ (განსაკუთრებით - ღამით!) ავღანელი (მოლა აბდულა გან ბარადარისა) და პაკისტანელი (ბაიტულა მეჰსუდის) თალიბები პრეზიდენტების - ყარზაისა და ზარდარის სამთავრობო ჯარებისგან?! ვინ იყვნენ ჩვენ მიერ დუშმანებად წოდებული ის ავღანელი პარტიზანი - მოჯაჰედები, 10 წელი რომ იბრძოდნენ საბჭოთა არმიის წინააღმდეგ - გმირები თუ ბანდიტები?!
რაც შეეხება რუსეთს - მისმა ამჟამინდელმა პოლიტიკურმა ხელმძღვანელობამ, ბევრი უნიათო პოლიტიკანისგან განსხვავებით, 1979-1989 წლების ავღანური კამპანიის მძიმე გაკვეთილები გაითვალისწინა, ხოლო პრეზიდენტმა დიმიტრი მედვედევმა აფრიკის ქვეყნებში (ეგვიპტე, ნიგერია, ნამიბია, ანგოლა) ამასწინანდელი მოგზაურობის შემდეგ განაცხადა: “რუსეთს არ სჭირდება მუსლიმანურ სამყაროსთან დამეგობრება, რადგან ჩვენი ქვეყანა თავისთავად წარმოადგენს ამ სამყაროს ორგანულ ნაწილს. რუსი მუსლიმანები - 20 მილიონამდე, ჩვენი მოქალაქეები არიან. ეს ციფრი კი მეტყველია. სწორედ ამიტომ ვაფასებთ ჩვენს ფართო ურთიერთთანამშრომლობას ორგანიზაცია “ისლამის კონფერენციასთან”, სა­დაც ჩვენი მეგობრების მხარდაჭერით დამკვირვებელთა სტატუსი მივიღეთ”.

და კიდევ: რუსეთი, აშშ-, კანადის, ნიდერლანდების, ეგვიპტის, ავსტრალიისა და დიდი ბრიტანეთისგან განსხვავებით, ლიბანის გასამხედროებულ ორგანიზაცია “ჰეზბოლაჰსა” და პალესტინურ ისლამისტურ მოძრაობა “ჰამასს” (რომელმაც აფხაზეთისა და სამხრეთ ოსეთის დამოუკიდებლობა აღიარა) ტერორისტულ ორგანიზაციებად არ მიიჩნევს, რადგან ამ ორგანიზაციების ბოევიკებს რუსეთის ფედერაციის ტერიტორიაზე ტერორისტული აქტები არ მოუწყვიათ!
რაც შეეხება აშშ- დახმარებას საჰაერო კორიდორის დათმობის სახით, ეს ხელსაყრელია რუსეთისთვის ბევრი მიზეზის გამო:
-
პირველ რიგში, შევთანხმდეთ, რომ ეს ქველმოქმედება კი არა, პრაგმატული “ბარტერია”: საპასუხოდ, რუსეთი აშშ-გან რუსეთის სტრატეგიული ინტერესების აღიარებას ითხოვს პოსტსაბჭოთა სივრცეში და ჩაურევლობას მოვლენების ნებისმიერი განვითარების შემთხვევაში - როგორც 2008 წლის აგვისტოში საქართველოში;
-
არანაკლებ პრაგმატული და ეკონომიკურად ხელსაყრელია აშშ-სა და ნატოს ხელით ნარკოტრაფიკის გადაკეტვა;
-
სანამ აშშ და ნატო ირანს ემუქრებიან, ომობენ ავღანეთსა და ერაყში (ვერც იმარჯვებენ და ვერც მიდიან...), უნებურად ერთვებიან თანდათან გაღვივებულ შიდა კონფლიქტში პაკისტანში (რომელსაც 80 ბირთვული ქობინი აქვს და რომე­ლიც ახალ კონტინენტთაშორისო რაკეტას (7000 კმ რადიუსით) ქმნის!). ჯიჰადის ვექტორი, მილიარდობით მუსლიმანის სიძულვილი, რომელთაც დიადი ისლამური რევოლუცია და შარიათის კანონების გამარჯვება სწყურიათ, ნატოს წევრი-ქვეყნებისა და ერაყისა და ავღანეთის ომებში მათი მოკავშირის – საქართველოსადმი იქნება მიმართული, და საქართველო, . ჭაჭიას თქმით, ირანზე იერიშის განხორციელების შემთხვევაში, აშშ-თვის ინფრასტრუქტურას დათმობს და საბრძო­ლო პლაცდარმად გადაიქცევა...
აქვე შეგახსენებთ, რომ წლეულს, აპრილში საქართველოში ჩამოვიდნენ საბრძოლო ობიექტების მშენებლობისა და მოდერნიზაციის სპეციალისტები კონცერნ “ჰალიბერტონიდან” («Halliburton»), რომლის ხელმძღვანელიც აშშ-ის ყოფილი ვიცე-პრეზიდენტი დიკ ჩეინია.
ნატოს ოფიცრებთან ერთად მათ ყურადღებით შეისწავლეს საქართველოს სამხედრო ინფრასტრუქტურის შესაძლებლობები და აეროდრომების, პორტების, საგზაო ქსელის მდგომარეობა. რისთვისაა საჭირო ასეთი შესწავლა, თუ არა სამხედრო მოქმედებათა მზადყოფნისთვის?!
-
რაც უფრო ღრმად “ჩაეფლობა” აშშ ომებში მეზობლად ბირთვული იარაღის მქონე პაკისტანში, ჩინეთში, ინდოეთში, ისრაელსა (რომლებიც ყოველ წამს მზად არიან, სარაკეტო იერიში მიიტანონ ირანზე, ბირთვული იარაღი დღე-დღეზე რომ ექნება!) და ქურთისტანში (თავისი ტერიტორიული პრეტენზიები თურქეთთან, ირანთან, ერაყსა და სირიასთან), რუსეთს, რომელსაც ამ რეგიონში ავტორიტეტი, ხოლო ზემოჩამოთვლილ ქვეყნებთან მეგობრული ურთიერთობები აქვს, უფრო ადვილად შეეძლება ნატოსთვის პრობლემების შექმნა. მაგალითად, დაკეტოს საჰაერო-სატრანსპორტო კორიდორი ავღანეთზე, ანდა დასახული ამოცანა პირდაპირ გადაჭრას ჩრდილოეთ ალიანსის ლიდერის, ავღანეთის ნაციონალური ისლამისტური მოძრაობის თავმჯდომარის, უზბეკი გენერლის აბდულ რაშიდ დუსტუმის მეშვეობით, რომელიც ვლადიმერ პუტინს თავის პატივცემულ მეგობარს უწოდებს, ხოლო მოსალოდნელ არჩევნებში ჰამიდ კარზაის კანდიდატურას უჭერს მხარს.
მაგრამ თუ ეს ელემენტარული, საბაზო ლოგიკა (როგორც ამერიკელები ამბობენ - «Back to Normal») გაუგებარია უნიჭო ქართული პოლიტელიტისთვის, შევეცდები, შედარებით გასაგები მაგალითით ავუხსნა: რატომაა, რომ დოტები და ბომ­ბსაფარები მალე შესაძლოა საქართველოს მთელი მოსახლეობისთვის “ბედნიერ ნავსაყუდელად” («Safe Harbor» - როგორც მათი ამერიკელი მეგობრები ამბობენ) იქცეს:
ყურადღებით დააკვირდით N3 ფოტოს (არა, ვამპირე ალუკარდისა და “რკინის ლედის” ინტეგრა ფეირბრუკ უინგეიტს ჰელსინგის თავგადასავლებზე გადაღებული იაპონური ანიმესერიალის სკრინშოტებს კი არა!): როგორც ხედავთ, ესაა ინტერნეტსაიტ www.nnm.ru-ის N10 გვერდი, რომლის მარცხენა კუთხეში პირველ განცხადებას ვკითხულობთ:
«Купим  карты Грузии (довоенные), Купим карты, (страны и городов)Схемы канализаций, Водоводов, газо и электро websrm.ru
ინტერნეტში მითითებულ მისამართზე (websrm.ru) დევს მოკლე ტექსტი (რუსულ ენაზე):
«Купим  каты Грузии (довоенные) Купим карты, (страны и городов) Схемы канализаций,Водоводов,газо и электро проводов. оплата от 100 долларов за хороший экземпляр только аригеналы,копии и электронные версии дешевле, но тоже предлогайте то что есть в интернете не предлогайте он у нас тоже есть. за содействие отблагадарим дополнительно. эксклюзивные можно предлогать дороже (просто называете цену мы оцениваем и платим) всем спасибо мой телефон 8(918)907-75-77 сергей»
დავამატებ, რომ ეს განცხადება 20-ზე მეტ სხვადასხვა საიტზეა განთავსებული.
ახლა დავფიქრდეთ, ვინაა ავტორი?
რუსეთის სპეცსამსახურები? გამორიცხულია:
-
მოკლე ტექსტში უამრავი გრამატიკული შეცდომაა (შვიდი!), ორთოგრაფიული, სინტაქსური და პუნქტუაციური;
-
გრუ-სა და ფე-ეს-ბეს განკარგულებაშია საქართველოს ყველანაირი რუკა, საქართველოს შსს-სა და თავდაცვის სამინისტროს რომ არ დასიზმრებიათ:
-
შეგახენებთ, რომ საქართველოს სოციალისტური რესპუბლიკა 60 წელზე მეტხანს სსრ კავშირის შემადგენლობაში იმყოფებოდა, ხოლო თბილისის კარტოგრაფიული ფაბრიკა ამიერკავკასიის სამხედრო ოლქის (ЗакВО) ობიექტი იყო (თბილისის გარნიზონის სპეცნაწილების პოლიტგანყოფილებას ექვემდებარებოდა);
-
თბილისიდან 30 კმ-ში რუსეთის ჯარები დგანან, ხოლო ყველა რუკა, მით უფრო, “ომამდელიმრავლად არის სარაიონო სასკოლო ბიბლიოთეკებში, რომ აღარაფერი ვთქვათ სოხუმისა და ცხინვალის ბიბლიოთეკებზე;
-
თბილისის ყველა ელექტრო და საწყლოსნო სისტემათელასი” და “თბილწყალი”), რუკიანსქემიანად დღეს რუსული კომპანიების საკუთრებაშია, ხოლო გაზგამანაწილებელი - მათი მეგობარი ყაზახი ბიზნესმენების ხელშიყაზტრანსგაზი”), აღარა­ერს ვამბობ ჰიდროელექტროსადგურებზე, წყალსაცავებსა და სხვა სტრატეგიულ ობიექტებზე, რომლებიც რუსული ბიზნესის საკუთრებაა საქართველოში.
თავგზას გვიბნევენ? ესეც გამორიცხულია - როგორც ამბობენ, მითითებულ ნომერზე დარეკეს, მყიდველი რეალურია და არა - ვირტუალური.
ტერორისტები აღმოსავლეთიდან? ძალიანაც შესაძლებელია!..
აი, ეს კი ჟურნალ «Newsweek»-ის (2009 წლის 30 ივლისის) კითხვებზე ავღანელ მეამბოხეთა რეგულარული მეთაურის მოლა აბდულ განი ბარდარას პასუხებია: “ჩვენი დანაკარგები უმნიშვნელოა. ყველა ავღანელისთვის უკვე ნათელია, რომ უცხოელები ჩვენს ქვეყანაში დამპყრობლებად და არა ავღანელების საკეთილდღეოდ მოვიდნენ. მთელ ავღანეთში ჯიჰადის სული მრისხანებს... ჯარების რიცხოვნობის ზრდის შესახებ განცხადება აინუნშიც არ ჩაუგდიათ მოჯაჰედებს. ფაქტობრივად, ამერიკელები ავღანეთში დემორალიზებული არიან და არ იციან, რა იღონონ.
“
თალიბანს” განზრახული აქვს, ამერიკელებს მაქსიმალური დანაკლისი მიაყენონ, რაც შესაძლებელია მხოლოდ იმ შემთხვევაში. თუ თავისი დაცული საფარის გარეთ დიდი რაოდენობით იქნებიან... ავღანეთის ისტორია გვიჩვენებს, რომ ავღანელები არასდროს იღლებიან თავიანთი ქვეყნის სრულად გათავისუფლებისთვის ბრძოლით. ჩვენ გავაგრძელებთ ჯიჰადს ჩვენი მიწიდან მტრების სრულ განდევნამდე
და ამ სასაკლაოზე ხელისუფლება ჩვენს ბიჭებს აგზავნის?! აქეთ მოიხედეთ, სულელებო! იქნებ გგონიათ, რომ თალიბები რუსეთის 58- არმიაა, რომელიც 08.08.08 “თეთრი ხელთათმანებით” იბრძოდა? ერთხელ მაინც შეყავით ცხვირი აღმოსავლეთში, თურქეთის კურორტების (ბოდრუმისა და ანტალიის) მიღმა?!
ჰო, მართლა, რატომ ერთხელ მაინც არ ჩაფრინდა ჩვენი პრეზიდენტი ერაყში?! თავად პრეზიდენტმა ბუშმაც კი, რომელმაც იქ სამარცხვინო ომი გააჩა­ღა, რამდენჯერმე მოინახულა თავისი ჯარისკაცები და ფოტოებიც გადაიღო მათთან ერთად!
ესტუმრება კი პრეზიდენტი სააკაშვილი ავღანეთს - კოალიციის კონტინგენტის შემადგენლობაში მყოფი ქართული ბრიგადის საბრძოლო სულისკვეთების ასამაღლებლად?

P.S.
დავაზუსტე: თურმე რკინაბეტონის დოტი ვერ დაგვიცავს სარაკეტო-ბირთვული იერიშისა და ტერაქტისაგან...
იქნებ, დოქტორი დოტი გვიშველის?! თუმცა, იმის მერე, რაც N4 ფოტოზე იხილავთ მის ფეხს, რომელიც სასტუმრო “კოპალას” აივნიდან გადაიღო ჩვენი სიწმინდეების ფონზე (თბილისის ისტორიულ ნაწილში მდებარე ეკლესიების, რომლებიც, რო­გორც D. Dოტ ბლოგზე აღიარა, თურმე სძულს!), მიხვდებით, რომ მას, როგორც ჭეშმარიტ ამერიკელს, ჩვენ ცალ ფეხზე ვკიდივართ!..

 

  

 

http://geworld.net/politics/310.html