"საქართველო და მსოფლიო" - საზოგადოებრივ-პოლიტიკური გაზეთი

Georgia & World

ერთიანობით მიღწეული დიადი გამარჯვება!

05. 05. 2010  

image

 

  2010 წლის 29-30 აპრილს საბრძოლო დიდების ქალაქ ტუაფსეში გაიმართა საერთაშორისო რეგიონული კონფერენცია: ერთიანობით მიღწეული დიადი გამარჯვება: კავკასია დიდი სამამულო ომის წლებში. კონფერენციის ორგანიზატორი ორი მოსკოვური ორგანიზაცია იყო:
არაკომერციული პარტნიორობა ჰუმანიტარული თანამშრომლობის ცენტრი, რომლის ხელმძღვანელი . . სილაევი იმავე დროს კონფერენციის წამყვანი იყო;
არაკომერციული ორგანიზაცია განვითრების ფონდი ევრაზიული კვლევების ინსტიტუტი (პრეზიდენტი . . ტურსუნოვი), რომელსაც კავკასიისა და დსთ-ის მრავალ ქვეყანაში ფილიალები აქვს.
კონფერენციის მუშაობაში მონაწილეობდნენ სხვა წარმომადგენლებიც მოსკოვიდან და პეტერბურგიდან; კერძოდ: . . ვინოკუროვი - რუსეთის ფედერაციის პრეზიდენტის სამმართველოს უფროსი უცხოეთის ქვეყნებთან რეგიონთაშორისი და კულტურული კავშირების საკითხებში და მისი მოადგილე - . . გასუმიანოვი, ამავე სამმართველოს დაგეგმარების დეპარტამენტის უფროსი . . ჩებოტარიოვი, რუსეთის ფედერაციის ფედერალური კრების ფედერაციის საბჭოს თავმჯდომარის პირველი მოადგილე . . ტორშინი, სახელმწიფო დუმის კომიტეტის თავმჯდომარე დამოუკიდებელ სახელმწიფოთა თანამეგობრობისა და თანამემამულეებთან კავშირების საქმეებში . . ოსტროვსკი და სხვები.
კონფერენციის მუშაობაში მონაწილეობდნენ აზერბაიჯანის, სომხეთის, საქართველოს, აფხაზეთის, სამხრეთ ოსეთის, დაღესტნის, ჩეჩნეთის, ინგუშეთის, ჩრდილოეთ ოსეთის, ყაბარდო-ბალყარეთის, ყარაჩაევო-ჩერქეზეთის, ადიღეის, კრანსოდარისა და სტავროპოლის მხარის დელეგაციები (100-ზე მეტი მონაწილე).
საქართველოს წარმოადგენდნენ:
. ჭაჭია - საქართველოს სოციალურ და ეროვნულ ურთიერთობათა აკადემიის ვიცე-პრეზიდენტი, სოციალურ მეცნიერებათა რუსეთის აკადემიის აკადემიკოსი, პოლიტიკურ მეცნიერებათა დოქტორი, პროფესორი (დელეგაციის ხელმძღვანელი);
. იაკობაშვილი - დიდი სამამულო ომის ვეტერანი;
. ბუაძე - დიდი სამამულო ომის ვეტერანი;
. გაგნიძე - არასამთავრობო ორგანიზაცია ისტორიული მემკვიდრეობის თავმჯდომარე;
. ცაავა - გლობალიზაციის ცენტრის ხელმძღვანელის მოადგილე;
. კვირტია - . . ლომონოსოვის სახელობის მოსკოვის სახელმწიფო უნივერსიტეტის კურსდამთავრებულთა საქართველოს ასოციაციის პრეზიდენტი, ფილოსოფიის მეცნიერებათა დოქტორი, პროფესორი;
. სვენტიცკი - . . გრიბოედოვის სახელობის თბილისის სახელმწიფო აკადემიური რუსული დრამატული თეატრის დირექტორი, საერთაშორისო კულტურულ-საგანმანათლებლო კავშირის რუსკი კლუბის პრეზიდენტი;
. რცხილაძე - ევრაზიის ინსტიტუტის დირექტორი;
. ხიდირბეგიშვილი - პუბლიცისტი.
რუსეთ-საქართველოს შორის პირდაპირი ავიაშეტყობინებების არარსებობის გამო (ასე ვთქვათ, ტექნიკურ-პოლიტიკურ მიზეზთა გამო) ქართულმა დელეგაციამ (რომელთა შორის ხანდაზმული ვეტერანებიც იყვნენ) კონფერენციის ადგილამდე ჩასვლას ორი დღე მოანდომა სამ ეტაპად: ავტოტრანსპორტით - თბილისიდან ერევნამდე, თვითმფრინავით - ერევნიდან კრასნოდარამდე და კვლავ ავტოტრანსპორტით - კრასნოდარიდან ტუაფსემდე, საიდანაც ჩასვლიდან მეორე დღეს იმავე მარშრუტითა და საშუალებებით დელეგაცია უკან დაბრუნდა.
თუმცა ქართული დელეგაციის მიმართ განსაკუთრებული ყურადღების გამოვლენამ (რის შესახებაც ქვემოთ კიდევ არა ერთხელ აღვნიშნავთ) გზის სირთულე შეგვიმსუბუქა: ერევანსა და კრასნოდარში ქართულ დელეგაციას კონფერენციის საორგანიზაციო კომიტეტის წარმომადგენლები დახვდნენ და მაქსიმალური კომფორტით უზრუნველყვეს - იქნებოდა ეს სასტუმროში დაბინავება თუ ტრანსპორტი; ამასთან, ქართული დელეგაციის ავტობუსს კრასნოდარიდან ტუაფსემდე საგზაო პოლიციის, სასწრაფო დახმარებისა და საგანგებო სიტუაციების სამინისტროს ავტომანქანების ესკორტი მიაცილებდა.
კონფერენცია 29 აპრილს გაიხსნა გმირების გორაკზე მარადიულ ცეცხლთან გვირგვინების მიტანით, სადაც ყველა ქვეყნის დროშებთან ერთად საქართველოს სახელმწიფო დროშაც ფრიალებდა. საქართველოს დელეგაციას, იქ დამსწრე საზოგადოების აპლოდისმენტებისა და ორკესტრის თანხლებით, სკოლის მოსწავლეები შეეგებნენ და დიადი გამარჯვების 65 წლისთავის აღსანიშნავად ყვავილებითა და გიორგიევსკის ლენტებიანი სამახსოვრო სამკერდე ნიშნებით დაასაჩუქრეს. დაღუპულ გმირთა ხსოვნას, ტრადიციისამებრ, პატივი წუთიერი დუმილითა და ავტომატის ზალპით მიაგეს. სამხედრო მეზღვაურთაგან შემდგარი საპატიო ყარაულის ასეული გვირგვინებით ხელში გაირინდა: ვამკობთ გვირგვინით საქართველოს დელეგაციის სახელით! - საზეიმოდ განაცხადა ცერემონიის წამყვანმა და მეზღვაურებმაც საზეიმო ნაბიჯით მიიტანეს გვირგვინი უცნობი ჯარისკაცის საფლავთან ალისფერ ლენტზე ეწერა: დიდი სამამულო ომის ვეტერანებს - მადლიერი საქართველოსგან.
შემდეგ კონფერენციის ყველა მონაწილე სასტუმრო კარაველაში დაბრუნდა, რომლის საკონფერენციო დარბაზშიც პლენარული სხდომა დაიწყო. პირველი, რაც საკონფერენციო დარბაზში შესვლისას თვალში გვეცა, კედლის გასწვრივ ჩამწკრივებული ყველა ქვეყნის სახელმწიფო დროშები იყო, ხოლო ცენტრში რუსეთის ფედერაციისა და საქართველოს დროშები, თანაც ერთ ქვესადგამზე.
პლენარული სხდომა ორგანიზატორთა სახელით მისასალმებელი სიტყვით გახსნა . . სილაევმა, რის შემდეგაც კონფერენციის დელეგატებს სიტყვით მიმართა რუსეთის ფედერაციის პრეზიდენტის უცხოეთის ქვეყნებთან რეგიონთაშორისი და კულტურული კავშირების სამმართველოს ხელმძღვანელმა . . ვინოკუროვმა, რომელმაც მისასალმებელი სიტყვა წაიკითხა რუსეთის ფედერაციის პრეზიდენტის ადმინისტრაციის ხელმძღვანელის . . ნარიშკინის სახელით.  
მისასალმებელი სიტყვა კრასნოდარის მხარის გუბერნატორის სახელით წაიკითხა ადმინისტრაციის ხელმძღვანელის მოადგილემ . . ახეჯაკმა, რის შემდეგაც პლენარულ სხდომაზე სიტყვით გამოვიდა კონფერენციის პროგრამით გათვალისწინებული ყველა მომხსენებელი: . . ტორშინი, . . ოსტროვსკი, რუსეთის მეცნიერებათა აკდემიის რუსეთის ისტორიის ინსტიტუტის ცენტრის რუსეთი, სსრკ XX საუკუნის ისტორიაში ხელმძღვანელი, ისტორიულ მეცნირებათა დოქტორი . . სენიავსკი და დანარჩენი მომხსენებლები - პოლიტიკოსები, თვალსაჩინო მეცნიერები, ისტორიკოსები, პოლიტოლოგები, საზოგადო მოღვაწენი, მონაწილე ქვეყნების მედიის ხელმძღვანელები და, რა თქმა უნდა, ვეტერანები.
საქართველოს დელეგაციის ხელმძღვანელის -
. ჭაჭიას მოხსენებამ განსაკუთრებული რეზონანსი გამოიწვია, რაც მისი დასრულებისთანავე აღნიშნა კონფერენციის წამყვანმა, რომელმაც მომხსენებელს ყველას სახელით გულითადი მადლობა გადაუხადა მოხსენების სიღრმისეულობის, პროფესიონალიზმისა და გულწრფელობისთვის.
აპლოდისმენტები მოჰყვა, ასევე, ქართველი პუბლიცისტის . ხიდირბეგიშვილის მოხსენებას. კონფერენციის წამყვანმა მადლობა გადაუხადა მომხსენებელს აქტიური სამოქალაქო პოზიციისა და განსაკუთრებული ემოციურობისთვის.
მიუხედავად იმისა, რომ კონფერენცია გრძელდებოდა, საქართველოს დელეგაციასთან გულწრფელი მოლოცვებითა და თხოვნით მოდიოდნენ სხვადასხვა (მათ შორის - აფხაზეთისა და სამხრეთ ოსეთის!) დელეგაციები და მედიის წარმომადგენლები, ნება დაერთოთ, პრესაში გამოექვეყნებინათ მოხსენებები ან ინტერვიუ აეღოთ.
განსაკუთრებით ხაზგასმით უნდა აღინიშნოს, რომ მიუხედავად ყველაფრისა, საქართველოს, აფხაზეთისა და ოსეთის დელეგაციებს შორის კონფერენციის მუშაობის განმავლობაში არ მომხდარა არც ერთი ინციდენტი, რასაც, სამწუხაროდ, ვერ აცდნენ სომხური და აზერბაიჯანული დელეგაციები! უფრო მეტიც: კონფერენციის პირველი დღის დასრულების შემდეგ, ბანკეტზე კრასნოდარის მხარის გუბერნატორის სახელით აფხაზები და ოსები საქართველოს დელეგაციასთან მივიდნენ და მათთან ერთად დიადი გამარჯვების აღსანიშნავად სადღეგრძელო წარმოთქვეს, შემდეგ სუფრას მიუსხდნენ, გაიხსენეს საერთო მეგობრები, ნათესავები და გულითადად ისაუბრეს... რითაც გულწრფელად გააკვირვეს გარშემო მყოფნი, განსაკუთრებით კი ღონისძიების ორგანიზატორები და ხელმძღვანელები მოსკოვიდან, რომლებიც სიხარულით ადევნებდნენ თვალს ამ გულისამაჩუყებელ სცენას. დამამახსოვრდა აფხაზური დელეგაციის მიერ წარმოთქმული სადღეგრძელო: ენგურს გაუმარჯოს! ოღონდ არა როგორც ჩვენს გამყოფ მდინარეს, არამედ - როგორც მდინარეს, რომელზე გადებული ხიდიც ჩვენ, ძმებს, გვაკავშირებს!
ბანკეტი ადგილობრივი მხატვრული კოლექტივებისა და ინდივიდუალურ შემსრულებელთა მიერ გამართული არაჩვეულებრივი კონცერტის ფონზე მიმდინარეობდა. კიდევ ერთი სასიამოვნო მოულოდნელობის მომსწრენი გავხდით: თუ კონცერტის პირველ განყოფილებაში მხოლოდ ომისდროინდელი სიმღერები სრულდებოდა, მეორე განყოფილებაში საგანგებოდ მიწვეული ადგილობრივი ქართველი მომღერლები და მუსიკოსები მხოლოდ ქართულ სიმღერებს მღეროდნენ! პირველ განყოფილებაში, სიმღერებს შორის პაუზისას, წამყვანმა სიტყვით გამოსვლა სთხოვა ქართული დელეგაციის ხელმძღვანელს . ჭაჭიას, რომელმაც რუსი ხალხის სადღეგრძელო შემოგვთავაზა, იმ ხალხისა, რომელმაც ფაშიზმთან ბრძოლის ძირითადი სიმძიმე იტვირთა, რაც, ისევე, როგორც უმაღლესი მთავარსადალი იმ ომში, რატომღაც ხშირად ავიწყდებათ...
ამ თემაზე საუბრისას არ შეიძლება არ აღინიშნოს, რომ სხდომათა შორის შესვენებებისას, ოქტომბრის რევოლუციის მოედანზე ქალაქ ტუაფსეს საზღვაო კადეტთა სკოლის მოსწავლეებმა კონფერენციის მონაწილეთათვის პატარა ზეიმი მოაწყეს ცეკვა-სიმღერით, სპორტული წარმოდგენებით, საზეიმო მარშითა და სამეჯლისო ცეკვებით (ერთ-ერთი ნომრის შესრულებისას ნორჩი მოცეკვავეები ტრიბუნაზე ავიდნენ და წლებისა და საბრძოლო ჯილდოების სიმძიმით ოდნავ მხრებში მოხრილი ვეტერანები საცეკვაოდ მიიწვიეს).
დიდი სამამულო ომის ვეტერანთა სახელით მომავალი სამხედრო მეზღვაურებისადმი სიტყვით მიმართვა სთხოვეს მხოლოდ ორ ვეტერანს - საქართველოდან . იაკობაშვილსა და სამხრეთ ოსეთიდან . არსოევს, რომლებმაც შემდეგ ყველა გაახარეს და ქალიშვილებთან ერთად ვალსი იცეკვეს!
კონფერენციის მუშაობის პირველ დღეს ქართული დელეგაციის კიდევ ერთი წევრი . სვენტიცკი გამოვიდა, რომელმაც მისი დაქვემდებარების ქვეშ მყოფი ორგანიზაციის საქმიანობაზე ისაუბრა.
კონფერენციის პირველი დღის შედეგები შეაჯამა . . ვინოკუროვმა, რომლის დასკვნის მნიშვნელოვანი ნაწილი ქართულ დელეგაციას მიეძღვნა - ბატონმა ვინოკუროვმა განსაკუთრებული მადლობა გადაუხადა მომხსენებლებს საქართველოდან და აღნიშნა, რომ, თუ სხვა დელეგაციების წარმომადგენლები, ძირითადად, დიდ სამამულო ომში თავიანთი ხალხის დამსახურებებზე საუბრობდნენ (რაც სავსებით გასაგები, მისაღები და ძალიან საინტერესოა), ქართველმა მომხსენებლებმა აქცენტი გააკეთეს ზოგადსაკაცობრიო ღირებულებებზე, ჩვენს, ოდესღაც თანამემამულეების (ანუ ერთი სამშობლოს მქონეთა!) თავს მომხდარის მიზეზების ანალიზზე, ასევე ილაპარაკეს იმ გზაზე, რომლითაც მომავალში უნდა ვიაროთ, რათა მორიგ ჯერზეც შეცდომა არ დავუშვათ. ვინოკუროვმა აღნიშნა, რომ მიმდინარე კონფერენცია უნიკალურია, რადგან ეს პირველი პრეცენდენტია, როცა მთელი კავკასიის ერთად შეკრება მოხერხდა, რომ რეგულარულად უნდა გაიმართოს ასეთი შეხვედრები, სადაც ვისაუბრებთ იმაზე, რაც გვაერთიანებს და არა იმაზე, რაც გვმიჯნავს. მან ასევე მოუწოდა ჟურნალისტებს, მეტი ყურადღება დაუთმონ სწორედ ასეთი მოვლენების და არა ისტორიის ფალსიფიკაციის სავსებით დაუშვებელი ფაქტების გაშუქებას.
კონფერენციის მეორე დღეს გაიმართა მეორე სესია, რომლის დასრულების შემდეგაც გაკეთდა შემაჯამებელი განცხადება: დიდი სამამულო ომის გამოცდილება მოწმობს, რომ კავკასია არაა განწირული კონფრონტაციისთვის. დიდი სამამულო ომი და დიადი გამარჯვება ის წმინდა ცეცხლია, რომელიც ყველა ჩვენგანს აერთიანებს და რომელიც არასდროს უნდა ჩაქრეს!
 
მაგრამ ქართული დელეგაცია იქ უკვე აღარ იმყოფებოდა: თავიდან ნახსენები ტექნიკურ-პოლიტიკური მიზეზების გამო მეორე დილით მას ტუაფსეს დატოვება და კრასნოდარში გამგზავრება მოუხდა, რათა კრასნოდარ-ერევნის ავიარეისისთვის მიესწრო. მიუხედავად ადრიანი დილისა, საქართველოს დელეგაციის გასაცილებლად ზეიმის ბევრი მონაწილე და ორგანიზატორი მოვიდა, რომლებმაც კვლავ იზრუნეს კომფორტულ ავტობუსსა და საგზაო პოლიციის, სასწრაფო დახმარებისა და საგანგებო სიტუაციების სამინისტროს მანქანების ესკორტზე.  
დამშვიდობება სევდიანი იყო - ორი არასრული დღის განმავლობაში ხომ კონფერენციის მონაწილეებმა ერთმანეთს გაუგეს... პარადოქსია - სახელმწიფო უფლებამოსილებათა არმქონე ქართულმა დელეგაციამ 2 დღეში შეძლო ენგურზე იმ ხიდის გადება, რომელსაც საქართველოს ხელისუფლება, ბოლო 20 წელია, ანგრევს...
თბილისელი მონაწილეები უკვე ავტობუსში ადიოდნენ, როცა მათკენ კოჭლობით მიმავალი დასამშვიდობებლად ხელგაწვდილი ვეტერანი დაინახეს სამხრეთ ოსეთიდან, შერყეული ჯანმრთელობისა და ხანდაზმულობის მიუხედავად, დილაუთენია პირწმინდად გაპარსული და საგულდაგულოდ გამოწყობილი!.. ეგებ, იმ დღეს სწორედ ეს იყო ერთიანობით მიღწეული დიადი გამარჯვება - კონფერენციის მთავარი შედეგი?!

 

                                                                                                                                       Aarno xidirbegiSvili

                                           http://geworld.net/pictures/omii.jpg

 

http://geworld.net/society/750.html