საქინფორმი: შეაჩერეთ მკვლელი! გარემოსა და ბუნებრივი რესურსების დაცვის მინისტრმა, სოროსელმა ელგუჯა ხოკრიშვილმაწითელ წიგნშიშეყვანილი და საქართველოში 200-მდე დარჩენილი მურა დათვის დახოცვის განკარგულება გასცა!

ოთხშაბათი, 08 ოქტომბერი 2014 11:32

1Xokr-pol-2-re-M

 

საქართველო, 8 ოქტომბერი, საქინფორმი. საიდუმლო არაა, რომ ნინო ჩხობაძის შემდეგ, გარემოსა და ბუნებრივი რესურსების დაცვის მინისტრის თანამდებობა ერთობ სარფიანი - შემოსავლიანი თბილი ადგილი გახდა, სადაც ხელისუფლება თავისი მეგობრებსა და ნათესავებს ნიშნავდა. ეკოლოგიის მინისტრებიი სააკაშვილის დროს უწყინარი უსაქმურები იყვნენ, მაგალითად - მუსიკოსი გოგა ხაჩიძე, რომელიც მთელი დღეები გიტარას აჟღარუნებდა კაბინეტში და დაწერა ჰიტიმიშა - მაგარია!“.

თუმცა, ისეთი მავნებელი, როგორიც ამჟამინდელი მინისტრი ელგუჯა ხოკრიშვილია, ისტორიას ჯერ კიდევ არ ახსოვს! თანამდებობაზე ახლახან დანიშნულმა მან თავისი საქმიანობაწითელ წიგნშიშეყვანილი მურა დათვების ლიკვიდაციის განკარგულებით დაიწყო ხელვაჩაურის, ყვარელისა და ქედის მუნიციპალიტეტებში! საქართველოს ეროვნული ბუნებრივი მემკვიდრეობისა და სიმდიდრის, რომელიც ჩვენს ტყეებში 200-მდე დარჩა და 40 წლამდე ცოცხლობს...

ეს იმიტომ, რომ ქარიზმით, განათლებით, მენტალიტეტითა და ოჯახით ხოკრიშვილს საქართველოსთან, ქართველებსა და ეკოლოგიასთან არაფერი აკავშირებს - გავხსნათ სამინისტროს ოფიციალური საიტი, განყოფილებამინისტრი, და შევიტყობთ, რომ ის მხოლოდ გერმანელი ეკონომისტი და დამსახურებელი სოროსელია, რომლის ოჯახიც გერმანიაში ცხოვრობს და რომელიც საქართველოში მივლინებით იმყოფება, ამიტომ ჩვენი მურა დათვებისთვის მიუფურთხებია!

განათლება
2008 - ეკონომიკურ და სოციალურ მეცნიერებათა დოქტორი,პოტსდამის უნივერსიტეტი, გერმანია
2004 - ბიზნესის და ეკონომიკის მაგისტრი, პოტსდამის უნივერსიტეტი, გერმანია
2002 - ეკონომიკის ბაკალავრი, პოტსდამის უნივერსიტეტი, გერმანია
სამუშაო გამოცდილება:
2012 - გამგეობის თავმჯდომარე, კავკასიის ეკონომიკისა და სოციალური კვლევების ინსტიტუტი (CIESR)
2012 -
ექსპერტი, ფონდი ღია საზოგადოება" (OSF)
2012 -
ლექტორი, ილიას სახელმწიფო უნივერსიტეტი
2011 - ექსპერტი, „GOPA კონსალტინგი", გერმანია
2011 -
ექსპერტი, ფონდი ღია საზოგადოება - საქართველო" (სოროსის ფონდის ფილიალი საქართველოში)
2010-2011 - კონსულტანტი, პროგრამებისა და განათლების განვითარების პროფესიონალთა ჯგუფი, ვანკუვერი, კანადა
2010-2011 - პროექტის მმართველი, ბერლინის თავისუფალი უნივერსიტეტი
2004-2010 - პროექტის მმართველი, პოტსდამის უნივერსიტეტის ფინანსების კათედრა
2006 - ექსპერტი, გერმანიის ეკონომიკური თანამშრომლობის ფედერალური სამინისტრო, ბერლინი
1999-2003 -
ასისტენტ-მკვლევარი, პოტსდამის უნივერსიტეტის ფინანსების კათედრა
პუბლიკაციები:
გამოქვეყნებული აქვს 20-ზე მეტი პუბლიკაცია საგადასახადო და სოციალური პოლიტიკის, ფისკალური დეცენტრალიზაციის, ადგილობრივი თვითმმართველობის რეფორმებისა და რეგიონული ეკონომიკური განვითარების სტრატეგიების შესახებ.

აი რატომ მიუფურთხებია ხოკრიშვილს, თუ რა საშინელ პირობებში იმყოფებიან ცხოველები თბილისის ზოოპარკში! აი რატომ მიუფურთხებია მინისტრ ხოკრიშვილს საქინფორმის გაფრთხილებებისათვის, რომელიც წინასწარ აფრთხილებდა ყაზბეგის ხეობაში მეწყერის ჩამოწოლის შესახებ! ხოკრიშვილს ფიროსმანის ნახატები არ უნახავს და არ იცის, რომ ჭეშმარიტი ქართველი მუდამ მეგობრობდა დათვთან და ქეიფობდა კიდეც მასთან! როგორც ჩანს, ხოკრიშვილი დათვებში მხოლოდ რუსეთის სიმბოლოს ხედავს და ამიტომაც ებრძვის მას, როგორც გერმანიაში ასწავლეს...

საქინფორმი სთავაზობს საქართველოს პრემიერ-მინისტრ ირაკლი ღარიბაშვილს:
-
სასწრაფოდ გააუქმოს განკარგულება დათვების ლიკვიდაციის შესახებ;
-
სასწრაფოდ გადააყენოს თანამდებობიდან გაუპარსავი ხოკრიშვილი და მინისტრად მსოფლიო სახელის მქონე ერთადერთი ქართველი ეკოლოგი - ნინო ჩხობაძე დააბრუნოს;
-წარგზავნოს ხოკრიშვილი რუის-ურბნისის ეპარქიაში მეუფე იობთან, რომელიც მას ჭეშმარიტ რწმენაზე მოაქცევს და დათვებთან საერთო ენის გამონახვას ასწავლის.

1Xokr-1

1Xokr-2

1Xokr-3

1Xokr-4

1Xokr-5

1Xokr-6



წყარო/Source: http://www.saqinform.ge/index.php?option=com_content&view=article&id=20794:-200-&catid=115:redakciisagan&Itemid=530#ixzz3GZH1bRzN

 

არნო ხიდირბეგიშვილი: „უცხოელი მონადირეები გარემოს დაცვის მინისტრ ხოკრიშვილსა და ხელვაჩაურის, ყვარლისა და ქედის მუნიციპალიტეტების ხელმძღვანელებს ათობით ათას დოლარს უხდიან?!“

ორშაბათი, 13 ოქტომბერი 2014 10:48

1datvi-aqt-1-red-1

 

საქართველო, 13 ოქტომბერი, საქინფორმი.
საქინფორმის მთავარი რედაქტორი არნო ხიდირბეგიშვილის ღია წერილი საქართველოს პრემიერ-მინისტრ ირაკლი ღარიბაშვილს
ბატონო პრემიერ-მინისტრო!
სკანდალურ გარემოებებს, რომელთა შესახებაც გასულ კვირას საქინფორმი წერდა სარედაქციო პუბლიკაციაში შეაჩერეთ მკვლელი! გარემოსა და ბუნებრივი რესურსების დაცვის მინისტრმა, სოროსელმა ელგუჯა ხოკრიშვილმაწითელ წიგნშიშეყვანილი და საქართველოში 200-მდე დარჩენილი მურა დათვის დახოცვის განკარგულება გასცა!, მოულოდნელად კრიმინალური გაგრძელება მოჰყვა.
უწინ ჩვენ მიგვაჩნდა, რომ მინისტრი ხოკრიშვილი, რომელმაც ხელმოსაწერად მურა დათვების ლიკვიდაციის შესახებ განკარგულება შემოგაჩეჩათ, - უბრალო მესაბოტაჟე, სააკაშვილის მეგობარი და თანამოაზრეა, რომელიც თავისუფალ ზონასთანერთად, საგანგებოდ გიკეთებთ შავ პიარს. თუმცა, ახლა გვაქვს ეჭვი, რომ ხოკრიშვილი მსხვილი მექრთამეა, რომელიც ხელვაჩაურის, ყვარლისა და ქედის მუნიციპალიტეტების კორუმპირებულ გამგებლებთან წილშია. კიდევ ვიმეორებ - საქინფორმს აქვს ეს ეჭვი და ჩვენ არ ვაპირებთ ზემოხსენებული ჩინოვნიკების უდანაშაულობის პრეზუმფციის დარღვევას, თუმცა, ქვემოჩამოთვლილი ინფორმაცია პროკურატურამ უნდა გააკონტროლოს!

მაშ ასე: ხოკრიშვილი ოთხი (?!) მურა დათვის ლიკვიდაციას ხელვაჩაურის, ყვარლისა და ქედის მუნიციპალიტეტებში ვითომდა დათვებითშეშინებულიმოსახლეობის წერილობითი თხოვნით ხსნის. ამასთან დაკავშირებით იბადება ოთხი შეკითხვა:

კითხვა №1 - ნუთუ ეკოლოგიის მინისტრმა - გაუპარსავმა გერმანელმა პროფესორმა ხოკრიშვილმა არ იცის ის, რაც იცის საქართველოში ნებისმიერმა პირველკლასელმა, კერძოდ კი, ის, რომ დათვი ძუძუმწოვარია და ადამიანებს არ ჭამს?

კითხვა №2 - რატომ აცხადებსაბლავასგაუპარსავი ხოკრიშვილი მხოლოდ ხელვაჩაურის, ყვარლისა და ქედის მუნიციპალიტეტებში? ნუთუ მიაჩნია, რომ ტყეში დათვის ჩაწერა, საზრღვრები და სავიზო რეჟიმი არსებობს და რომ ეს ოთხი კონკრეტული დათვი ტყეში კი არ გადაადგილდება, არამედჩაწერის ადგილასცხოვრობს და მკაცრად იცავს მუნიციპალიტეტების ადმინისტრაციულ საზღვრებს?

კითხვა №3 - ნუთუ გაუპარსავმა პოტსდამელმა ეკონომისტმა ხოკრიშვილმა არ იცის, რომ დათვები მხოლოდ მაშინ მიდიან ადამიანებთან, როცა ძალიან დამშეული არიან? ნუთუ არ შეიძლება სამსახურიდან გაათავისუფლო ყავის, სიგარეტისა და უსაქმურობისგან გასიებული მისი სამინისტროს თანამშრომლების ნახევარი, რომლებსაც ტყე თავის სიცოცხლეში არ უნახავთ და გამოთავისუფლებული ფულით ოთხი დათვი გამოკვებო?

კითხვა №4 - ნუთუ გაუპარსავმა სოროსელმა ხოკრიშვილმა არ იცი ის, რაც იცის ნებისმიერმა ქართველმა მწყემსმა - კერძოდ ის, რომ დათვი ვერ იტანს ხმაურს და საქმეს არ იჭერს მყეფარა ძაღლებთან? ნუთუ იმშეშინებულსოფლელებს ორი ძაღლიც არ ჰყავთ?! და ნუთუ   საგადასახადო პოლიტიკის სპეციალისტსა და ფისკალ ხოკრიშვილს დაავიწყდა, რომ მის მშობლიურ გერმანიაში ბუნების წინააღმდეგ ჩადენილ გაცილებით პატარა დანაშაულზე შესაძლოა ციხეში ჩაგსვან?

მაგრამ საქმე ისაა, რომ სინამდვილეში არავითარი წერილები დათვებისგანშეშინებულისოფლელებისგან არ ყოფილა! თუმცა, მათი დაწერა შესაძლოა ახლა აიძულონ უკანა რიცხვით - მას შემდეგ, რაც საქინფორმმა განგაში ატეხა, საიმედოობისთვის კი ვინმე მოკლან და ამაში დათვი დაადანაშაულონ!

არსებობენ მდიდარი უცხოელები - მილიონერები, რომლებიც დათვებზე ელიტური ნადირობისათვის საქართველოში მზად არიან ათობით ათასი დოლარი გადაიხადონ! თითო მოკლულ დათვში - 50 ათასი დოლარი, პლუს სასტუმროები, ბუნებაში მონადირული პიკნიკები, ტრანსპორტის - ცხენებისა დაჯიპების“, ძაღლებისა და გამცილებლების დაქირავება, აგრეთვე ხარჯები სხვადასხვა გასართობებზე, საქართველოდან ძვირფასი საჩუქრების (ხანჯლები, ხალიჩები, ნახატები) ყიდვაზე, მთასა და ზღვაზე დამატებით ტურისტულ ტურებზე და ..

კიდევ, გარემოს დაცვისა და ბუნებრივი რესურსების დაცვის მინისტრს, ასევე სამი ზემოჩამოთვილილი მუნიციპალიტეტის ხელმძღვანელებს შეეძლებათ სოლიდურად შეავსონ თავისი პირადი მატერიალური რესურსი ობლად დარჩენილი დათვის ბელების გაყიდვის ხარჯზე, რომლებსაც რესტორნებს, ცირკებს, ზოოპარკებსა და კერძო პირებს მიჰყიდიან - მათ ვილებზე შეზარხოშებული სტუმრების გასართობად.

საქინფორმს აქვს ინფორმაცია, რომ საქართველოში ნადირობის მოსურნე უკვე ბევრია - მოცემულ მომენტში, ეს მდიდარი და მაღალი თანამდებობის პირები არიან რუსეთიდან და უკრაინიდან.



წყარო/Source: http://saqinform.ge/index.php?option=com_content&view=article&id=20849:2014-10-13-06-53-35&catid=99:actual1&Itemid=419#ixzz3G0e1Jd8n

 

საქინფორმი კვალს მიჰყვება: “ძუ დათვმა მხოლოდ დაანაყრა ბელი თაფლით და დათვები უკან, ტყეში შებრუნდნენ!“

პარასკევი, 17 ოქტომბერი 2014 11:45

1-medved-aqt-1-red-1

 

საქართველო, 17 ოქტომბერი, საქინფორმი. საქინფორმი განაგრძობს იმ საძრახისი ფაქტების კვალზე მიყოლას, რომლებიც გადმოცემულია პუბლიკაციებში შეაჩერეთ მკვლელი! გარემოსა და ბუნებრივი რესურსების დაცვის მინისტრმა, სოროსელმა ელგუჯა ხოკრიშვილმაწითელ წიგნშიშეყვანილი და საქართველოში 200-მდე დარჩენილი მურა დათვის დახოცვის განკარგულება გასცა! (2014 წლის 8 ოქტომბერი) და უცხოელი მონადირეები გარემოს დაცვის მინისტრ ხოკრიშვილსა და ხელვაჩაურის, ყვარლისა და ქედის მუნიციპალიტეტების ხელმძღვანელებს ათობით ათას დოლარს უხდიან?! (2014 წლის 13 ოქტომბერი).

ჟურნალისტური გამოძების მიმდინარეობისას გაირკვა, რომ დათვები არავისაც არ დასხმიან თავს და არც ცხვრები დაუხოცავთ! საქმე შემდეგნაირად იყო: ძუ დათვი ბელთან ერთად ტყიდან გამოვიდა, საფუტკრეს მიუახლოვდა, ღობის რამდენიმე ფიცარი ამოტეხა და წარმოქმნილ ხვრელში ბელი შეაგდო. დათვმა ფუტრკის სკა გახსნა და მშიერი ბელი თაფლით დააპურა - თანაც ისე, რომ თავად თაფლს არ მიჰკარებია და მხოლოდ საკუთარ ნაშიერს, რომელიც თაფლით პირს იტკბარუნებდა, იცავდა ადამიანებისგან... რის შემდეგაც დათვები, ისე, რომ არავინ შეუწუხებიათ, ტყეში გაბრუნდნენ.

აი ფორმალური მიზეზი, რის გამოც საქართველოს გარემოსა და ბუნებრივი რესურსების დაცვის სამინისტრომ, ყოველგვარი გასამართლების გარეშე, დათვებს სასჯელის უმაღლესი ზომა - დახვრეტა მიუსაჯამოქალაქეთა პირადი  ქონების დაზიანებისთვის“: გატეხილი ღობისა და გახსნილი სკის, ასევე თაფლის ქურდობისთვის! ოღონდ როგორ გამოარჩევს იგიდამნაშავეებსდანარჩენი დათვებისგან? ნუთი ფოტოსურათებითა და დათვურ სერვისში - საქართველოს იუსტიციის სამინისტროს ცენტრში გაცემულ დათვურ პასპორტებში  - მითითებული გვარებით?!

ცნობისათვის: დათვები, როგორც ყველასთვის ცნობილია, საქართველოს ეკოლოგიის მინისტრი ელგუჯა ხოკრიშვილის გარდა, ძალიან სუფთა ცხოველები არიან და ვერ იტანენ მკვეთრ სუნს, მით უმეტეს, ცხვრებისსურნელს“ - იმდახოცილიცხვრების, რომლებიც ცხვრის მწვადის მოყვარული სოფლელების, და არა დათვების სინდისზეა...



წყარო/Source: http://www.saqinform.ge/index.php?option=com_content&view=article&id=20925:2014-10-17-07-47-09&catid=115:redakciisagan&Itemid=530#ixzz3GZHJxUuY